عنيكى ياسمرة
للشاعره/ غنيمه عبد الرحمن
-------
تحضنى
تدفينى
تلاقينى
لفوق طاير مع القمرة
اوشوش عنك النجمة
واحكى ليها اسرارى
تاخدنى لفوق
تطير بيّا واكتب
احلى اشعارى
ونا ليكى
سنابل قمح
مالية الجرن
وطير يسعى
على صغاره اللى جوه
الكن
ومركب فاردة ليكى
القلع
فى قلب الريح
ولد صادق وقوله صريح
وزين الخلق
شهم اصيل
لا عمره وطّى
يوم راسه
لندل عويل
ولا بيميل
لغير الحق
ونا ليكى
ياست الكل
ياعود ريحان
وعقد الفل
الفه تاج على شعرك
والف بلاد
عشان خاطرك
واجيب مهرك
ونا ليكى ----------------- غنية عبد الرحمن --من ديوانى العامية
ليست هناك تعليقات:
إرسال تعليق