(( غبى ..عقله فيه ))
الشاعر / يحيي المصرى
كـِده كام كلمه ........
ليك ولكـُل جميع الأ ُمـّه....
يمكن بيها تروح الغـُمـّه ...
لاجل مانرجع أعلى القـِمـّه ...
.................................
لـَمـّا نزلت ف أرض الدُنيا ....
وجـِيت من عـَالَم ذر ّ ف ثانيه ....
كان ده قرارك ...!
.................................
لـَمـّا لسانك كان يتعـَلـِّم ...
حـبـِّة بحـَبـَّه عشان يتكلـّم ...
بـَعدَها ينطق كده ويسلـِّم ...
كان ده قرارك ...!
...............................
لـَمـَّا اليوم بيمــُرّ عليك ...
يـَصدُر حـُكم النوم لعينيك ...
حتـِّى ان كان الناس حواليك ...
شكلك صامت مابيتكلـِّم ...
جـِسمك ساكن كده ومسـَلـِّم ...
قـُل لى ياشاطر ..
هـُوّ قـَرارك ...
............................
إلأنفـَاس وف صـِدرك تجرى ...
ياخــُد منها الدمّ ويــِسرى ...
ســِرّ حـَياتك مع أنـّاتك ...
كان ده قرارك ...
............................
وقت مـِيعاد الشمس بتطلع...
يـِظهر نورها ف أرضه ويسطع ...
لاجل رحالك ولترحالك ...
فيها كالسيوم بيغـَذِى عـِظامك ...
كان ده قرارك ...!
...........................
لـَمـَّا البـِذره ف أرضـُه بتـُسكـُن ...
فيها المـَيـَّه ف ذرّه بتـُحكـُم ...
تطرح شجره وفيها الثمره ...
تشبع منها ومعده بتهضم ...
كان ده قرارك ...!
...........................
لـَمـّا ولـَمـَّا ولـَمـّا ولـَمـّا ...
لاجل ماتبقى ف أعلى القـِمـّه ...
راح فين عقـلك فين الهـِمـّه ...
فين العـَدل ف قلب الأ ُمـَّه ...
كان فى كوادر أو فى العامــّه ...
فـَكـَّر قبل ماتيجى الطامـَّه ...
والحـَق نـَفسك شيل الغـُمـَّه ...
.................................
كـُل مزايا النـِعمه عليك ...
حـَتـَّى ف خـَلقـُه من حـَواليك ...
حتـَّى الر ِمش ف سـَطح عينيك ...
.................................
رَبـَّك خالقك لاجل عبادته ...
تمشى ف أرضه وتحت قيادته ...
قبلا ف عـَالَم ذرّ عاهدته ...
ولـَمـَّا نزلت ف أرضـُه خالفته ...
وانت حقيقة الأمر خليفته ...
.................................
راح فين عقلك مش عارفين ...
فينها مبادئك مش لاقيين ...
فين العدل ياواد على أرضه ...
وفين الرحمه ..بيها ياجاحد ...
مش حاسـِّـــــــــــــــــــــين...
حـَسبـُـنا واحد ربّ مـُعين ...
.................................
الشاعر / يحيي المصرى
29/10/2015
11 مساءً
ليست هناك تعليقات:
إرسال تعليق