نتوا ميـن
شعر/محمود العزب
---------
إنتوا أصـلاً تِبقوا مين
خَوَنَهْ أو قووول بلطجيهْ
وكُلُّكـُم بِعتـوا القَضيهْ
وبِعتوا روحكُم مِن سِنين
وكُنتوا بِتقولـوا آميـن
للِّى بان عاوز خضوعنـا
واللِّى كان مَبسوط لجوعنا
وانتوا كُنتُـم مَبسوطيـن
واحنَّا عايشين ميِّتين
عاش سايبكُم تِسرقونا
وتِخدعونـا وتِحرِمونا
وبان راكِبكُـم بالسنين
وانتوا كنتوا مُغَفَّلين
وكان سايقكُـم للغباوه
وانتوا عايشين فى الطَراوه
وحَبْ مُـخُّـكُـم التِّخين
وانتوا هاتِتحَدُّوا مين
وشوفوا بعنيكُـم مُصيبتُهْ
هاتلاقـوه عيَّان بِخيبتُهْ
وانتوا عالَم تَعبانين.
30-10-2015
ليست هناك تعليقات:
إرسال تعليق