أحمد المغربي
جرح كبير والحب اماال
حب يمين والجرح شمال
نفسي اميل ليمين شغال
وانا قلبي لشماله ميّال
خايف ادور خايف اتوه
قلبي خلاص صورة ف تابلوه
متعلق ع الحيطة بينزف
حتي الاحباب مشيو سابوه
بس سابوه...؟؟
لأ وكمان روبابيكيا باعوه
ليه تختار؟!!
سكة نار
حب =جروح ومرار
ينفع تحلم ؟
أحلم ليه ؟!
ترجع ليه
ارجع للي باعوني يا بيه.؟!
يبقي حرام
عشت كتير اصلي الاوهام
يوم مامشيت ف السكة السالكة
قولت ارتاح ما السكة يمين
طلعت واعرة مابين جبلين
جبل الحب الزايف هار
جبل الشوق متحاط بالنار
وانا محتار
خايف قلبي يموت م الخوف
فكرت اهرب هبت ريح
عاتية بتعمي العين ما بشوف
جنبي الوف
كانو مجاريح
ناس بتعافر ناس بتصيح
ضرب دفوف
وسط كلامهم في تقبيح
وانا متحاصر كالمكتوف
قلبي دبيح
عقلي وراح زي السرّيح
شوفت طريق..وده كان مرصوف
حارة سليمة التانية ركام
كان فيه يافطة عليها كلام
فيه سهمين
حب يمين والجرح شمال
نفسي اميل ليمين شغال
اعشق حب مفوهش كلام
حب بجد يكون افعال
بس امال
frown emoticon
مانا قلبي لشماله ميال..!!
أحمد المغربي
ليست هناك تعليقات:
إرسال تعليق