فى حُب مصر
شعر/محمود العزب
إنتوا لَمَّـا نَهَبتونـا
ووعدتونا وخَدعتونا
وطَلَّعتوا لنا عِنين أبونا
كان دا برضُهْ فى حُب مصر
وانتوا لَمَّا عَرَّتونـا
وذَلَّتونـا وفَضَحتونا
وفى الآخر خَدنا الصابونهْ
كان دا برضُهْ فى حُب مصر
دا انتوا لِسَّهْ هاتشوفونا
واحذروا واتجَنِّبونـا
يااللِّى خُنتُـم شعـب مصر
وعُمرُكُـم ماها تِغلبونـا
والحقوا وهِجُّوا وسيبونا
وحِبُّوا روحكوا وسيبوا مصر.
ليست هناك تعليقات:
إرسال تعليق