سلمولي علي مصر
بقلم الشاعر / عبدالمنعم عدلي
-----
يارايح مصر بكرة العصر
سلملي علي مصر ست كل عصر
سلملي علي الحبايب سلملى علي القرايب
واْمانة عليك واْنت رايح القنال
هات لي حبة ماية وحفنة رمال
وكمان علم فية اْنوار علية تحيا مصر
اْم الرجال اْم الاْبطال مقبرة الغزاة
سلملي علي قائد الاْبطال وعلي الرجال
وسلملي علي قبر كل شهيد هناك
واْمانة عليك واْنت في جريدة الاْهرام
اْكتب مقال واْقول فية كمان
يامصري ياهمام بص لاْيام زمان
كم غازى كم غادر جة وهو طمعان
كم سنة عانت مصر فيها من تتار
اْصبر يابن مصر ياهمام
وكم من صبر بلغ الاْمال
وسلمولي علي مصر اْم الرجال
بقلمى عبدالمنعم عدلي
ليست هناك تعليقات:
إرسال تعليق