مشتاق لك
بقلم الشاعر / طارق العيسوي
كل ما اشتاق لك حبيبتي
شوقي اليكِ راح يقولك
ياحبيبتي مالكه قلبي
حافرة فيه كلمة بحبك
شوفي عيني واقري اكتر
شوفي اسمك شوفي رسمك
شوفي انت ازاي قدرتي
تعملي فيه كتير
حبك انت شئ كبير
ماخلاش في مستحيل
وانكتبلي معاكِ اعيش
واحتويك بنبض قلبي
واروي حبي بنهر دمي
والتمس فيك الحنان
الانس فيك والمحبة ...
وكل مااحتجته بزمان
عينك انت فيها سر
فيها شئ غامض غريب
فيها كل اتنين حبايب
فيها حلم حلو وعجيب
فيها حبيب ويا حبيبته
فيها فجر بعد ليل اسود طويل
حتي شعرك ياحبيبتي
بحر دافي في ليل غطيس
ممكن اسبح؟ خايفة لاغرق؟
مش باقولك انت ام وانا الوليد؟
لا ... حبيبتي بحر حبك صحيح غريق
بس روحك مادة ايد
ايد في ايد ..وبسمه حلوة
من شفايفك .. خلت الغرقان سعيد
اصلك انت شكل تاني
حب حلو وفيه معاني
بس اشوفك.. واتوه في عينك
وارمي نفسي في بحر حضنك
واعشقك واغرق في حبك
..............
طارق العيسوي
ليست هناك تعليقات:
إرسال تعليق