( حب مزيف )
بقلم الشاعره / هدي دراز
هاخرج من حياتك
وهاودع دنيتك
وأنسى انى عشت فيها
اجمل سنين عمرى
جرحت قلبى فى حبك
ومشيت فى سكتك
ونسيت نفسى معاك
وباندم ندم عمرى
لأنك خنت ودى
وكسبت انانيتك
وكسرت قلبى بطيبته
وكنت سبب دمعى
لو تعرف قد ايه
انا كنت حبيتك
وكنت ملكت فيه
احساسى ومشاعري
جنيت على قلبى ليه
وكسرته بقسوتك؟؟
وانا إللى كنت فاكره
انك سبب سعدى
وكنت فاكراك حبيبى
وهاعيش فى دنيتك
لقيتك جرح قاسى
وبتلعب بمشاعري
راجع تااانى تقولى..
هاتصلح غلطتك!!
هاقولك أسفه جدآ
ابعد وريحنى. ...
بقلم/هدى دراز
ليست هناك تعليقات:
إرسال تعليق