الغيمة الأخيرة
بقلم الأم لولو ( نجلاء عزت )
هى دى الغيمة الاخيرة
والا لسه غيوم كتيرة
نفسي شمس بكرة تطلع
نفسي ارحل م الجزيرة
واحضن الناس والليالي
وابقي ف الدنيا اميرة
نفسي لون واحد اخير
لونى ابيض لون حرير
لفوا قلبي فيه وبس
قلبي كل نبضه حس
والهموم جعلاه فى حبس
الحقوا قلبي وسيبونى
جسمى كله مصيره متر
اما قلبى كون كواكب
ميسعوش قلبي اللي حر
قلبي طاير ماله بر
قلبي طاير بجناحين
بس قصواله جناحاته
رفرف القلب الحزين
لما كل حبايبه ماتوا
رفرف القلب الجريح
رفرف القلب الذبيح
رفرفة موت والا نفضة
زى ريشة وسط ريح
..
الام لولو ( نجلاء عزت )
ليست هناك تعليقات:
إرسال تعليق