نسيت كل اللى كان بينا..؟!
بقلم / بقايا الأثر
--------
نسيت وقفتنا ف الشباك..؟!
ونظره بتحكى فى عيونا...
عن الحلم اللى عشته معاك
نسيت احساس بيجمعنا
أغيب عنك تقول وحشاك
تخلى للحياه معنى..
فى زعلك روحى تترجاك
تحن وتترسم بسمه
وتسكت بس انا سمعاك
تلومنى غيره والاكتر
بتتمنى اكون وياك
نسيت لهفة سؤال فى جواب
وكام معنى يقول بهواك
نسيت نغمة حروف اسمى
بتنطقها تقول عشقاك
عايزنى بعد كل دا ايه
تقول هبعد... تقول انساك
تقول صعب اننا نكمل
وايه ممكن...
اكون نسياك ؟!!
رد عليها ..
عذرا نصف دينى فقد شغلنى نصفك الاخر فاوطاننا تحرمنا ما كان لنا حقا ولا تنظر فى ذلك رفقا
ليست هناك تعليقات:
إرسال تعليق