مع الترحاب
بقلم الشاعر / محمد سالم
*************
أنا المكتوب على جبينى ألم وعذاب
أنا اللى بديت وتكوينى عدم غلاب
لا أنا عايش ولا ميت وداير فى زمن قلاب
مغطينى مرار الصبر وفاتح ليا ألف كتاب
خطوطهم شوك ألم محبوك بتفتح للضباب أبواب
وينزل سيل دموع الويل بتحفر للندم سرداب
وعمرى يفوت سنابل موت بتطرح والحقيقة سراب
لا منى شكيت ولا إترجيت ولا ليا أمل كداب
زمان الخوف طريق مكشوف نهايتة موت مع الترحاب
محمد سالم
ليست هناك تعليقات:
إرسال تعليق