قانون خاص بالفيسبوكيين
بقلم / بقايا الأثر
-------
اللى هيطول لسانه حبس خمس سنوات .....ههههههههه اقراها للاخر
وهنتحبس!!!!
والتهمه شير او كام لايك
بوست انكتب من كلمتين
ااااه ....حريه يعنى حياه....
مع رمز شكله يكون حزين
والدمعه اخر السطر
متقولش ليه وازاى وفين
وطنك بقى غربتك
محشووور مع المساكين
حاسس انا بالاسر
فى اديا الف كلابش
حتى الكلام منعوه
دى كلاب ومبتفهمش
ابدأ بقى التحقيق
سين سؤال....
اسمك يامذنب ايه ؟؟!!
اسمى انا الثائر والشهره مصرى يابيه
ساكن فى درب الخوف
فى حارة المناحيس
اول خرابه شمال
من بعدها المتاريس
على سكة اللى يروح
ولا عمرهوش يرجع
من كتر ضرب الزمن
مابحسهوش يوجع
س..ليه كنت كاتب اااه حريه يعنى حياه؟!!
ج يعنى اكتب القضبان بتحسسك بامان ؟؟!!
عيش ندل مش انسان خليك جدع واتهان ؟؟!!
كان الهتاف فى الشوارع
سلميه مش ارهاب
والرد كان برصاص
وكلاب تعين فى كلاب
لو حد فينا اتمسك
بيشوف ليالى هباب
يتقال عليه متهم
والحرز يبقى كتاب
ع الفيس لقينا الصوت
رغم انه مش مسموع
بيكبر الموضوع
وكتير يابيه عايشين
حاسين بنحر الجوع
حاسين بظلم الظلم
لو ينطقوا ..بدموع
س من دا اللى بيمولك ؟؟
انت اعترفت خلاص
كره الوطن حولك
لجبان مفيش اخلاص
ج تمويلى ايه وحديث
معنى يكون اصرار
تمويلى من اشعار
احمد مطر ونزار
تمويلى مش دولارات
ولا كام ريال ودينار
تمويلى من فكره حيه
فى عقول بتأبى العار
حبس خمساشر يوم على ذمة قضية تصديع الكريمه راس النيابه واللماضه المفرطه
ليست هناك تعليقات:
إرسال تعليق