بص فى عيونى.......
بقلم الشاعر / رشاد الدهشورى
بص فى عيونى ....بص فى عيونى
بص فى عيونى واقرا الكلام
بص فى عيونى تلمح غرام
من يوم لمحتك مقدرت انام
لو مش مصدق بص فى عيونى
بص فى عيونى ..داعنيك خدونى
لو قربونى او بعدونى
حبك فى دمى ..دمك فى لونى
لو مش مصدق بص فى عيونى
بص فى عيونى شوف الدموع
عشق ومحبة من غير خضوع
جفف دموعى تنزل دموعك
انا قلبى حبك وروحى طوعك
لو مش مصدق بص فى عيونى
بص فى عيونى واحلف يمين
من بعد حبك اروح لمين
شكيت لكل المغرمين
اشكيك لميت ..دوول يحسدونى
لو مش مصدق بص فى عيونى
لوخيرونى هيحيرونى
بعدك ياروحى معناة جنونى
لو مش مصدق بص فى عيونى
.................رشاد ادهشورى
ليست هناك تعليقات:
إرسال تعليق