فاض بيا يا بهية بقلم الشاعر طارق السيد
فاض بيا بهية
يابهية وخبريني
ياأم الهرم والنيل
ليه نهارك مغيّم
وليلك ليه طويل
يابهية وخبريني
ياأم الهرم والنيل
ليه نهارك مغيّم
وليلك ليه طويل
فيكي ليه الموارد
بتقرقضها القوارض
والضبع العويل
بسنان زي المبارد
بارد كل وارد
والوارد نحيل
يامايا خبريني
فين ضوء النهار
والخير ليه إستخبى
والشر عاش جهار
وإللي مص دمك
سبق يامايا سمّك
بكاس الإنكسار
ياوليدي ياحبة عيني
أخبرك على إيه
وإن خبرتك ياوليدي
راح تقدر تعمل إيه
والخاين العميل
السهل المستميل
من كل ولاد الإيه
بينخر العظام
من بعد الإلتئام
بأمر سيده ليه
والندل أبو اللئام
عايزني لسيده أركع
أو الموت الزؤام
وأوام أوام أوام
علشان كام دولار
يهد في الجدار
إللي حامي فيه
أنا بركع للإله
دايما في الصلاه
وما أركعش أبدا
للغرب إللي إحتواه
بقلم طارق السيد
ليست هناك تعليقات:
إرسال تعليق