قصيده غنائيه
( شويا شويا )
يا حب عمرى إللى كان
يا ريت إللى جرا ما كان
و المحبه عليك هانت
يا ريتها فى يوم ما كانت
___________
دوبت فيك م الحنين
وحشاني عنيك من سنين
ليه عايزنى افضل حزين
قولى بس اشكيك لمين
____________
و لو إن الكلام بالعنين
كان اولى قلبك يلين
هو الحب إللى غلطان
جانى ف قلبى وسابه زمان
وكمان هو إللى زعلان
قسوته ليا ف لحظه تبان
وانا فى بعده اكيد حيران
____________
و عندى الدنيا ديا
ما تسوا حبك ليا
اسامح قلبك ع القسيه
و كل دا تعمله فيا
بالراحة بقى شويا شويا
صحيح إن فداك عنيا.
آنما قلبى غالى عليا
________________
و إن كان على هجرك ليا
إنت صعبان عليا
إتحرمت م الحنيه
و كلام جميل وملاغيه
وانا ...ربنا يتوب عليا
من حب يجرح فيا
___________________
الشاعر / سامح المنواتى
ليست هناك تعليقات:
إرسال تعليق