((00)). يا مصر. ((00))
بحبك من قلبي الجواني
وحاسس انك صبيه
فيكي كل شئ غواني
ياماليه قلبي وعنيه
كفايه نيلك الاسمراني
اللي خيره باين عليا
سمارة جبيني عنواني
شمسك طبعاه فيا
ارضك السوده جناني
والخضره عندك غيه
يام الجناين باهراني
ونخلك بيميل بحنيه
رنة خلخالك مدوباني
مانتي الحلوه يا بهيه
يا امه بصدرك ضماني
وعلمتيني معني التضحيه
الازهر فيكي حماني
وخلي لغتي عربيه
وحدة ولادك مقوياني
تحيا الوحدة الوطنيه
هلال وصليب من تاني
يجمعنا مش بس أغنيه
يا مصر بناكي حلواني
اهرمك تشهد يا بهيه
بدعيلك وبكل ايماني
يصونك م كل أذيه
الشاعر .عادل عباس
ليست هناك تعليقات:
إرسال تعليق