شنبات قرموط
من كتر الدق على دماغي
وإقلام بتزغرد في صداغي
عندئذ حيثما أيقنت
أوشكت الدنيا تجيب داغي
يادنيا إختشي بقى وإتلمي
ياللي إنتي يادنيا ما تتسمي
ليه فاكراني أنا من حطبك
بتولعي فيا وبتحمّي
ياضحكة وطارت بجناحها
يافرح إتنيل وإتنحى
وإقفال الحظ المقفولة
يامين ينجدني ويفتحها
نفسي أفرحلي ولو مرة
وأعيش الحلوة مع المرة
وغراب النحس إللي ساكني
شلوت والتاني يغور برة
يادنيا معاندة وكيادة
في المية العكرة ياصيادة
بتصطادي القرموط من شنبه
إلادا يادنيانا إلادا
كرامة القرموط شنباته
يفديها القرموط بحياته
يتقرمط حبة ويتزفلط
ياجماله وياجمال حركاته
ماهو أصل القرموط زفلوط
واد فقري وعامل فلووط
ياكلها بدقة مايتنازل
بالتوت أو حتى بنبوت
بقلم طارق السيد
ليست هناك تعليقات:
إرسال تعليق