غرباء
عبدالمنعم عدلى،،مصر
غرباء وعايشين
فى الدنيا ومتحيرين
بين القلم والجنون
وعلى السطور
تبان الفنون
قلب دايب ويا الحنين
وقلب تاه من سنين
ومش عارفين
رايحين على فين
ولا الدنيا مكتوبة لمين
نقابل بعض على سطور الأنين
ونعرف بعض من القلم الحزين
خلاص يادنيا
خدتنا السنين متفرقين
غرباء وعايشين
ملناش غير القلم الحزين
يبكى علينا
ودمعه ينزف
أنين على السطور
طال الحزن وجف الدمع
من قلم يبكى شجون
ليه ياقلم حيران
إروى على السطور
وقول عن مر السنين
غرباء وعايشين
بين القلم والجنون
بقلمى عبدالمنعم عدلى
ليست هناك تعليقات:
إرسال تعليق