قصيدة/الشعب العربى قربت خلاص تنتهى المسرحية.
واسمها الصهيونية العالمية.
بدايتها كانت فى العراق مع صدام.
وانتهى الفصل الأولى فيها بالإعدام. والفصل التانى كان فى ليبيا مع معمر.
زبحوا رائيسهم خلوا الشعب كله اتدمر .
والفصل التالت لسه أهو بادى.
والمنظر بيبتدى يادوب قصادى.
المشهد فى أرض سوريا بلادنا الحبيبه.
وأبطال المسرحية اشكلهم ياناس غريبة.
رضينا نكون كمبارس وهم يكونوا ليه أبطال.
واحنا كنا ملوك الكون ليه اتبدل بينا الحال.
ورضينا ليه بالذل شمتنا فينا الكل.
خلينا هنود وحمر يخدوا دور ابطال .
فرقوا بيننا ظنوا أن الشعب العربى مات .
نسيوا ماضينا ازاى حافل بالبطولات.
يلا نصحى عبد الناصر يلا نصحى صلاح الدين.
عاوزين حد يوحد بينا عاوزين جيشنا قوامه متين.
هما بكلمه جيوش تتلم واحنا جيوش حالها يغم.
قوم ياعربى ويا اخوك يلا وسيبك من اللى خنوك.
يلا وحقك هاتوا بايدك يلا وربك أيده فى ايدك.
لما يكون للحق زراع عمر متلقى حقك ضاع.
اصرخ يلا وسمع صوتك خلى العالم ينسى سكوتك.
انا خلصت ياخويا كلامى ومش باقى إلا سلامى.
شعر/كمال البنا
ليست هناك تعليقات:
إرسال تعليق