ياعرب -- ياامه اتفرقت لشتات 💂♀️-- وبدل الاجماع -- بقت الاطماع -- جبهات -- وكل فريق -- غريق -- ف بحر متاهات -- اللى مع الشرق -- عاور الحرق -- واللى مع الغرب -- عاوز الضرب -- زى فتكات -- ومعدش -- كبير -- يغير -- ويرجع اللى فات -- كل زعيم سلطان زمانه -- حتى لو مكانه -- سلة المهملات -- وكبيرنا نشجب ونناهض -- بالكلمات -- وساعة ما نخاف -- نلقى الاجحاف -- مسيرات -- الكل عاوز يلبس وياكل -- وغيره -- عايش الامسيات -- العدل -- بقى فجل -- والشعوب حزم كرات -- ساكتين ع الغلب -- والغلب -- مش راضى بالسكات -- وخيرنا لغيرنا وبالامر-- بترول وتمر -- يروح دفعات -- لامريكا وروسيا -- والذمم ناسيه -- الاهات -- والمجاعات -- ومعدتش دم -- ولا قبر يلم -- عصابات -- والرخرخه -- والفخفخه -- لناس -- وناس -- تدور ع الفتات -- رغم ان كلنا عرب -- لكن عز الطلب للتفاهات -- والملطمه -- والدنيا المغيمه -- للغلابه -- وشريعة غابه -- مليانه سكات -- ومؤتمرات -- ورايات -- وامنيات -- يحققها الابالسه -- على حساب قرارات بياخدوها تنابله -- وهمه بيضحكوا -- ع الجوع والاهات -- وامريكا حبيبتنا -- جت لغاية بيتنا -- ونورت حتتنا -- جتنا ستين خيبه -- ع الترحيب باللكمات -- احنا لو عرب بصحيح -- كنا قتلنا -- كل تعبان له فحيح -- بدل كلام -- وتصاريح -- واغنيات بتمجد -- ف حكام -- اقزام -- مابدين ف الحكم -- ومش شايلين الهم -- بدام لهم المتاع والضياع -- لشعوب -- مغلوبه على امرها -- ودايقه مرها -- وبالجبروت -- بتشربه شربات -----------------------------------------------------------------------------------------------------------------------------
✍️✍️-- الشاعر \\ عبد العليم ابو عبده 
✍️
ليست هناك تعليقات:
إرسال تعليق