//////// آآآه ياشام
الدم سال بيروي التراب فوق
ارضنا وفي كل البلاد
الدم زاد والرصاص من غير ميعاد
عارف طريقه لقلب طفله لسه
ابتسامتها خضره
كانت لسه امبارح بتسأل امها
امته النار هتبات رماد
امته هشوف ضحكتك اللي وحشاني
لما ادق عليكي الباب
امته هتروح غربتي في وطني واحس
الفرحه في عيون الولاد
امته يابلدي هيسكت فيكي صوت
الرصاص واقول خلاص
ربي قبل دعايا ونال قلبي المراد
اللي مايعرفني انا صبيه شاميه
اصل الكرم لكن بعيون حزينه
قلبي قطعوه في حلب واملي
سجنوه الترك في عفرين
انا بنت الغوطه الاصيله دم ابويه
سال علي ارضها بالشرف
ومش هنقبل في يوم نكون مساكين
انا صبيه شاميه أبيه بتنادي الزمن
من فوق تلال طرطوس
انتظرنا يازمن مسيرنا في يوم راجعين
ومهما كان صوت الرصاص بكره جاي
يوم القصاص انا شعبي برجال ابطال
لاتهزه ريح ولا غادر وعمر الريح ماهزت
حصي وجبال
انا شعب بيصنع المستحيل ومعايا
الف دليل حتي لو زماني طال
روس وامريكان وكلب الترك بيرسم
فينا حدود الخلافه
ومن غير. شرف ولا مخافه بشوفه
بدمنا فرحان
وحياة طفل شاله الموج في بحر
عاتي ومات من غدركم غرقان
وحياة شوارب رجال ضحوا عشان
عرضنا ينصان
ولا خافوا رصاص ولا همهم حتي طوفان
راجعين ياشام الحبايب هنزرعك امل وحنان
وبكره هعزمكم علي رقصه بالدبكه علي ارضنا
وادبحلكم خرفان
واخر كلامي تحيه لكل العرب اللي تركونا
والكل عايش فيهم عامل انه علينا سلطان
ياخسيس الدم والنخوه في يوم
قولت اننا اخوه
والنهارده عامل كبير وكاس الخمره قدامك
بتقول عليه قهوه
نسيت الفكر والهمه ولابس البدله والعمه
اتاريك من الكسوف سكران
//////// بنت الشام
\\\\\\\\\\\\\\\\ دكتور احمد حافظ
ليست هناك تعليقات:
إرسال تعليق