إكسري جدران سكوتك --- بقلمي الشاعر - عادل عبد الرازق

إكسري جدران سكوتك
--------------------
بقلمي - عادل عبد الرازق
-----------------------
مدّي إيدك لإيدي وسلّمي
إكسري جدران سكوتك إتكلّمي
فاتت مواسم ومواسم
ومين مظلوم ومين ظالم

بنسأل ومش عارفين

وباظلمك وانتي بتظلمي

لازم نقرّب لازم نقول

صدقيني مش مستحيل الوصول

مش صعب نصرخ وسط السكات

مش صعب نبتدي البدايات

يالاّ نرسم عالبحور جسور

ونمدّ إيدينا لبعضينا داير ما يدور

وارسم أحلامي وترسمي

مدّي إيدك لإيدي وسلّمي

إكسري جدران سكوتك إتكلّمي

إخترنا إحنا الرحيل

ولاّ انكتب

وازاي وليه نضيع

من غير سبب

وتفترق إيديّا وإيديكي

ويرفض بحري موانيكي

وتتوه قدّامنا أيامنا

ولا تلاقيني ولا ألاقيكي

واتألّم .. وتتألّمي

مدّي إيدك لإيدي وسلّمي

إكسري جدران سكوتك

... إتكلّمي

***