حكامنا اهل القدر والمفخره
قالو العفو بيكون عند المقدره
وبنطلب من القدس عفو ومعذره
لا تواخذينا يا قدس عللي جرى
ما خصنا نحنا بهيك مؤامره
ما بنعرف البايع عرفنا اللي اشترى
رح قلكم بكفي خدع ومتاجره
صرنا بايد الغرب لعبه ومسخره
كنا عروبه بالعصور الغابره
نخوه ومروءه مش كلام وثرثره
وكانت شجاعتنا بمراجل هادره
واوطاننا بالعدل كانت زاخره
وعيوننا طول الليالي ساهره
ع حدودهاالمتراميه المتناثره
وكانت شيمنا بالاصاله غامره
وسيوفنا كانت مضيه باتره
لاعداءنا كانت بتدحر قاهره
بهمه واخوه يعربيه مبهره
وقلوبنا بايمان كانت عامره
وجهودنا بالخير كانت مثمره
اليوم صرنا كالصحارى المقفره
والغرب افسد للقلوب الناضره
وعيوننا عميت ما عادت مبصره
بعنا كرامتنا بدنيا فاجره
حتى تحولنا لثعالب ماكره
وقلوبنا سوده حقوده غادره
وصارت وحوش الغاب منا ساخره
صارت علينا بالاوامر امره
وما عاد في قيمه لنا بين الورى
ومن سيدنا حماية نفسنا ناطره
وتكشفت كل الوجوه السافره
وبانت حقيقتها وصارت ظاهره
من بعد ما كنا عروبه ثائره
ضد الظلم للحق كانت ناصره
اليوم صارت روسنا تحت الثرى
نسينا قدسنا والاراضي الطاهره
ماتت حميتنا استكانت للخنوع
استسلمت لترامب عاجبها الخضوع
الله بحاسبنا بيوم الاخره
=== محمود شبيب ===
ليست هناك تعليقات:
إرسال تعليق