بقلم فؤاد نوح
أنا مش هنكر
أنا مش هنكرلكن هصبر
أنا مش هنكر إني بحبك
هصبر رغم دموعي و ظلمك
لما أشوفك و إنت بتخسر
مش بتمني إنك تتألم
لكن نفسي إنك تتعلم
نفسي تدوق اللي سقيتهولي
درس حياتك لما يمرَّر
يومها هترجع و إنت النادم
بعد ما شفت الكدب الصادم
تسأل قلبي اللي رميتهولي
و لَّا هتكدب و لَّا هتنكر؟
فاكر أول حتة سكر
قلت ده طعم الدنيا بيسْكِر
يومها أنا قلت لا يمكن يقدر
ينسى و يئسي أو يوم يغدر
بس نسيت و قدرت و هانت
عشرة و شوق و أهات إتهانت
و اتعلمت البعد و كانت
آخر كلمة معاك اتقالت
بكره هترجع بكره هتندم
خليك فاكر لو بتفكر
ف. ن
ليست هناك تعليقات:
إرسال تعليق