............
حبنا صورة وكلمتين
خايفة ليه من حبنا
وانتي بعيدة وأنا هنا
د احنا صورة وكلمتين
واللقا صعب يرضي عننا
..........................................
من ايه نخاف واحنا بعيد
نستني لقا صعب وعنيد
قوليلي ايه بيننا جديد
غير لقا مش مكتوب لنا
............................................
وتحت كلامي تكتبي كلمتين
يسعدوا قلب مشتاق حزين
ولا أعرف أنا فين وانتي فين
حبيبين ولا يوم شوفنا بعضنا
.............................................
وتبص عيني بحب لصورتك
وتحلف عيني اني بحبك
وتسألك امتي أبقي جنبك
يرد السكات اللقا مش لنا
.............................................
نفسي ف لمسة ايديكي
مشتاق لنظرة من عينيكي
نفسي أحس اني بجد ليكي
ازاي واحنا بعيد عن بعضنا
..............................................
يرد الأمل بكرة تبقي جنبك
وتسمع صوتها بتقول بحبك
وايديها تحس بنبض قلبك
ونعيش اللي باقي ف عمرنا
..............................................
وبين أمل يستني قربك
ويأس يكويني بنار بعدك
هو ده حالي في حبك
عاشق صورة تقوللي دي أنا
ليست هناك تعليقات:
إرسال تعليق