أنا والليل وانت:
تعاهدت أنا والليل وإنت وطيفك
تكون عالعهد متواصل وحاضر
ماهو غصب وتجي براحتك وكيفك
ماأريد تجاملني ويكون جبر خاطر
أدمنت الهمس في شتاك وصيفك
وصرت كل معاني حروفي ماتغادر
هديت حالي بالبرود وسيطر خريفك
على ربيع احشاي وجف نبضي الغامر
سليت بنظرتك والحاجب سيفك
يجرح احساسي اهمالك وأظل صابر
ماراح أعاتبك ولاقول مني لك ياحيفك
مايجي ببالي هالكلام ولابيه أجاهر
ليه مصر تتجاهل حضوري وابعد زيفك
من قول مشغول والحال متكدر وساهر
يظل قلبي ملتاع عليك وأنا خلك ووليفك
اللي دوم يطلب دفاك وللوصل منك ناطر
المنى روحي وطيفي يكون دوم ضيفك
بصحوك ومنامك وحتى النسيم العابر
قهوتك والشاي والسكر والملح ورغيفك
تشاطرني بيك وكل اللي عندك معاي يسامر
لوبيدي أسير صوبك وأفرش على رصيفك
منزولي عتبة دارك وعيني عليك دوم تناظر
وش تريد بعد مني ولاتظن إني أبعد وأعيفك
أنا ماضيك وحاضرك في الشعر والنثر والخواطر
لاتظن الوقت والظرف يظل معاك وحليفك
لابد يجي يوم تندم وتقول ماعافك الخاطر
@عزالدين الحميري@
ليست هناك تعليقات:
إرسال تعليق