بسم الله الرحمن الرحيم
هو ايه نصيبنا ف القدس
دا ما بقاش لنا السدس
لا سنتي و لا ديسي
و لا عباس و لا سيسي
القرد و القردة
كلوا ميراث الجد و الجدة
دا ما بقاش لنا الجلدة
ولاد الحرام
كلوا ميراث ذوى الأرحام
دا ما بقاش لنا جرام
شر البرية
ما خلوا حاجة ليا
غير اسماعيل و هنية
طب حاجة للسعودية
اتنين متر هدية
طب حاجة تمثلية
طب حاجة للولية
طب حاجة
من تحت الترابيزة
نقول بيها الأمة عزيزة
طب ربع جنية أو بريزة
طب حد يقولي يا بيه
يا ابن عزيزة
شهوة فيا أو غريزة
طب حد يعبرني
طب حد يقدرني
طب حد يخدرني
مفيش حاجة خالص
و لا كإني موجود
طب و الله
لادعي عليكو ف السجود
وهن الأمة وهن
ضيع منا وطن
انت فين يا بطل
و بعد القدس
مفيش رام الله
يالا يا خويا
انت و هو بره
و هلم جره و هلم جره
ما بقاش لنا
ف القدس ذرة
و مفيش مانع
و مفيش مضرة
يالا يا خويا
انت و هو بره
ليست هناك تعليقات:
إرسال تعليق