..... عاشق........
من زمان عاشق وصالها
مغرم وعشقي ودها
كان نفسي ابقي ف يوم خيال
اسكن واملك قلبها
اواعدي حتى في الغيطان
أو اشم ريحة مسكها
شوفت الحوريه بصوت جميل
تضحك وباين سحرها
العين كحيله تقول غزال
مكسوفه سارح رمشها
والوش فيه بدر القمر
نور وزاين خدها
تحكي الشفاه أجمل غرام
تسمع غناوي بلحنها
مانقولش بلبل ع الشجر
وغناها زاين عشها
بركانها ثاير فيه لهيب
تحكيه قصايد شعرها
تعلن غضبها ع الحبيب
لوفكره شارد عنها
تلقى الحنان فيه الجنان
يظهر يبان على نهدها
والشعر نازل فوق عليه
والخسر يعلن حدها
والعود ياناس ملفوف عليه
من فوق جبينها لكعبها
يعلن يقول نفسي الغرام
بس الكلام دا في سرها
لأحد يوم حس بدفاه
وانا حتى جاهل سرها
ليست هناك تعليقات:
إرسال تعليق