أغنية...ليل و نجوم
ليل و نجوم...
و شارع مليان غيوم...
و وحيد ماشي أنا فيه...
و من حواليا كل الوشوش...
اللى عليا بيضحك...
و اللى فيا شامت...
و اللى بيقول فى همسه...
ده باين عليه عاشق مهموم...
حبيت أنا حوريه...
فى توب بنى أدمين...
و لا هى عرفت...
تلبس للحب توب...
و لا أنا عرفت...
أحقق لحبى أنا...
أى طموح...
حبيت و طيرت...
أنا فوق السحاب...
و لا عملتش حساب...
لغدر محبوب...
أديته أنا حب صافى...
من نبع إحساسي...
فى وجدانى موجود...
شربنى هو...
من بير حبه المسموم...
فا قلب ليلى نهار...
و بقيت فى ليلى...
ليه أنا سهران...
و على ضوء شموع...
أعد غيابه أنا...
دقايق تعدي ساعات...
و فى نهارى تملى جارى...
انا وراه و بتوه...
عن دروب طريق الحب...
اللي تاه هو كمان معاه...
حتى ما عرفتش...
أمسك أنا من طيفه...
أى خيوط...
و جواباتى...
جواباتى له...
من كتر التنهيد...
أتملت دموع...
أشرح له شرح وافى...
سهدى و غرامى...
و دقات قلبى الموجوع...
و بهيامى فيه...
انا أترجيته أنه يميل...
و بوست أيده...
أنه فى كل مواعيدى...
يكون بشخصه موجود...
و بلاش طيفه يبعتهولي...
وبقيت لوحدى...
ماشى أنا فى الشوارع...
أشكى للهوى حالى...
يرد عليا صدى صوتى...
و يقولي حبيبك...
مش موجود...
و الدنيا بقت من حواليا...
ليل و نجوم...
و شارع مليان غيوم...
و وحيد ماشي أنا فيه...
و من حواليا كل الوشوش...
اللى عليا بيضحك...
و اللى فيا شامت...
و اللى بيقول فى همسه...
ده باين عليه عاشق مهموم...
مهموم أنا بالحب مهموم...
في شارع نجوم و غيوم...
مع تحيات شاعر الوجدان الشاعر السكندرى/على الطاووس
ليست هناك تعليقات:
إرسال تعليق