جول يا جلبي
**********
لما حبك فات
علي الجلب
وصحاه من منامه .
جلت يمكن
جلبي يفرح
ولا يخلص من آلامه .
جلت يا جوليبي
جوم افتح يلا بابك .
دخل الحب الجديد .
ايوه من حجك ياجلبي
ايوه حجك ..
تسعد يومين .
ياما شوفت عذاب ياجلبي
ياما دوجت مرار وشين .
احنا مش مكتوب علينا
انت تبكي ..
وانا اعيش وياك حزين .
بس ما خبيش ياجلبي
اني خايف ..
والله خايف .
ياما فيه عشاج كتير
اتعذبوا ..
وانا خابر
وانت عارف .
ياما فيه عشاج
دموعها
جاريه ع الخدود
حد الشفايف .
وانت خابر كل حاجه
وانا شايف .
تلاجيه ياوليدي سارح
والسكات ..
زي شجره حزنها
فوج راسه طارح .
تلاجيه ياجوليبي تايه
ناسي ضحكه والفرايح .
ماشي..
مش داري بطريجه
هو راجع ولا رايح .
جول ياجلبي
راح نغامر .. ؟؟
ولا نجفل الشباك ونهرب
نجفله .. ندلي الستاير ..
ولا ايه رايك نجرب .
يمكن الفرحه تجرب .
وان شجينا ولا انكوينا .
ده جدر ع الكل ساير .
والمرار دا كاس وداير".
جول ياجلبي
جول ..
وما تخليني حاير ..
عصام امام
2/11
2017
ليست هناك تعليقات:
إرسال تعليق