تلف بينا الدنيا نلقي وشوش الناس تبان طيبه وضميرها مش حساس
تلقي الخبث والصراع معبي جوا القلب والاحساس
تصرخ فين الرحمه تسمع كلام في الحب كلام وخلاص
الرحمه تمسح دموعي توصلني لاخر الدرب بالاخلاص
لاتضرني ولاتشوش عليا ولاتحكي كلام مش مفهوم من غير حماس
الدنيا ابسط من كده الدنيا جمال وغيوم
مليانه بالرحمات وبخير كتير مبدور
عيش وسيب غيرك يعيش انفص شقا وهموم
اصلنا لادم واحنا جميعا اخوه
ليه تبعد المسافات وتكبر الفجوه الدنيا لله مش محتاجه لكل الصراع غيرك مات واتدفن وحقه جميع الهفوات
عيش الامل والعمل حرر نفسك ارضي لغيرك بالخير واجبر خاطر نفسك
الدنيا نفس داخل وخارج عيش بالرحمه والاخلاص
حدد لنفسك هدف حكم ضميرك فيك
تلقي الحياه بسيطه كن سلم علي أعاديك
سلمها تسلم وراح تدور الدواير عليك
الامر لله كل واحد بيتحاسب علي نواياه
فوضت نفسي وأمري من زمان لله
الدنيا فانيه مش مستهله كل دي المعاناه
آمال عميره المطريه دقهليه
ليست هناك تعليقات:
إرسال تعليق