إبن أصول
كل شيء في الحياه
لينا مقسوم
لا العمر كله فرح
ولا حتي حزن يدوم
محسوب علينا العمر
ولا من النصيب نهرب
فبلاش خلاص نحسب
مين ظالم مين المظلوم
عجبي
عجبي علي اللي إنكسر
ويداري أه جواه
راضي بحكم القدر
راضي بأمر الله
شايل في قلبه الحلم
طمعان في حب الناس
ولا عمر كل الناس
ديماً تكون حساه
=============
عجبي عليك ياولد
بيقولو عيبك جدع
وانت اللي ليهم سند
قالو عليك البدع
لكنك انت أصيل
عمرك ماكنت عويل
لو يوم معاك هتميل
تتحمل أنت ياجدع
بتصون أكيد غيرك
علي حلو مر. معاه
وإن يوم نكر خيرك
نفسك كدا مسمحاه
دا لأنك ابن أصول
والأصل له معناه
معناه رجوله وأدب
والخوف حساب الله
=============
ياللي أتمليت بالوجع
من كل حد قريب
رامين عليك الحمل
وانت خلاص فاض بيك
في الحزن هما سابوك
يمكن كمان نسيوك
ولا عمرهم يراعوك
أما الغريب يراعيك
تسكت تقول معلش
مهو دا أصل الحياه
مش ناقصه كدب وغش
أما الكريم نسياه
ولاعمرها هتدوم
والشاري أه بيعاه
وإن الوحيد هيدوم
والباقي وجه الله
=================
أحمد طلبه
٢٠١٧/١١/٧
ليست هناك تعليقات:
إرسال تعليق