شح الآخ
______
شح آخي الغـدا ا يرافكَـ الآهــــات
ولفني أهمومـــي ذنيــج
ألنسني
وذكرنه الأمس وادع محـطـــات
ولن ادموعي بـــخدودي
جوني
يلمسافر غفل تكَطـــع مســــافات
انكَضه عمرك على نايك
تغني
عمرك هالكَضيته بلايه غايـــات
أشوكت تهجع اسمعك هذا
وني
علي مرن ولك يفلان حسـبـــات
الألم منهـــــن لفانـــي
وكدرني
أنسج ثوب الألم بخيوط لوعــات
ورواشين البسهمـــــك
مرعدني
بطران السمعني وذبله جلمـــات
حسباله اجر نايـــــل
واغني
ابهيده يا كلب نفذن الجيـــــلات
ولا تتمزهد ابلومـــك
كتلني
يلمنك أذيتـــــي ليش بــــد ذات
يلتدري نبل عينـــــك
ذبحني
مخلص آنه الك اكَطع مسـافات
أشلون ابلحظه يا حبيب
بعتني
حبيت وحظيت أبمـوتت الذات
وفرحان ابفعلتـــــــك
دوهنتني
دمع عيني همه يترس الكاسات
شربتهن يا حبيبي
وسكرني
_____________________________
الشاعر/ فالح حسن الجابري
__________________
13/11/2017م
__________
ليست هناك تعليقات:
إرسال تعليق