///// حبيبتي
قالوا يوم اني نسيتك
وهجرت حبك وبقيت بعيد
كدبوا كدبه وصدقوها ميعرفوش
ان قلبي سكنك وبيتك
انك انتي حضن دافي
حضن فيه مابقتيش تخافي
ان لمسه بحنان ايديكي
تساوي عمر قبلك ماعشتهوش
حتي كتبوا يومها اسمك
ميعرفوش ان اسمك
من ملامحك
ميعرفوش ان مهما في
يوم بعدتي قلبي سامعك
ناديت عليهم تعالوا شوفوا
بين ضلوعي نبض قلبي
سمعوا نبضي شافوا صورتك
زادت حيرتهم لما ابتسمتي
لما ايدك شاورت تعالي
جريت عليكي دفيت في حضنك
الحب مش زمان بيدور
ولا كلام فوق السطور
الحب مش بإيدي ولا بإيدك
الحب فوق ارادتي وكمان ارادتك
الحب طعم تاني لما دوقته
من شفايفك
الحب مهما طال بيه الزمان
هتلاقيني كأني كل يوم
لسه النهارده عارفك
هتلاقيني بقلب صادق
بنده اقولك
مستحيل احب غيرك لانك
انتي قلبي عاشقك
وخلي اللي يقول يقول
اني نسيتك
كدابين ميعرفوش اني
بين ضلوعي من عيونهم داريتك
مش هلاقي حد غيرك يملا فراغ
قلبي اللي حسيته قبلك
ولو نادتني كل النساء بكلمة احبك
هتلاقيني بكلمة حبيبتي انا
وقلبي ناديتك
////// بقلمي
ليست هناك تعليقات:
إرسال تعليق