مصر بحبك
..................
مصر بحبك عمري فداكِ
حتى ان عشته دموع وألم
.
مصر أنا فاكر كل جمايلك
مهما الجاهل سبّ وذمّ
.
مصر المجد ان شافك يفرح
أصلك من صبيانه أهمّ
.
فيكِ النيل يا بلادي بيجري
بعد ما داق قبليك الهمّ
.
أصل النيل بيدوّر دايما
في الأوطان عن خال أو عمّ
.
مش هيلاقي ف غيرك أبداً
حتشبسوت أو حتى هرم
.
يفرح يجري بأرضك طبعاً
مين هيقول يزعل يندم ؟
.
مصر بدوب ف هواكِ وقلبي
يحلف يعزف أحلى نغم
.
حتى الشمس ف ليلك تزعل
تندم بالتأكيد تغتمّ
.
مصر بحبك مين هيكدّب
قلب اتحول فيكِ قلم
.
وارسم قلبي يا أغلى هدية
جنب النسر بأحلى علم
.
مصر أنا بكتب ليكِ : بحبك
قبل ما اموت بمداد الدّم
.
من أشعار
شرف أحمد عبدالناصر
ليست هناك تعليقات:
إرسال تعليق