وسادتي
عيوني شافتك وشفتيها
حروفي حكاتك وحكيتيها
صورتك فعقلي رسمتيها
روح بالريحان عطرتيها
قصيدة قراتك وقريتيها
سطورها عشقاتك وعشقتيها
يالالة رسامي سكنتيها
بالوفا(ء) والحنان نورتيها
احضاني حضناتك وحضنتيها
شفايفي باستك ؤبستيها
شموعي بمحاسنك زينتيها
وليالي بحديثك ونستيها
عيوطي غناتك وغنتيها
الحاني شطحاتك وشطحتيها
روحي من اوصالي سلبتيها
بالتلحليح والمطاوعة جلبتيها
وسادتي بغاتك وبغتيها
بالفرحة غمراتك وغمرتيها
يالالة وايامي صرفتيها
بالعشق والمحبة صونتيها
احلامي حلماتك وحلمتيها
آمالي قصداتك وقصدتيها
آهاتي بوجدانك حستيها
وهمساتي بودانك سمعتيها
بقلم ادريس جبيلو
المغرب
ليست هناك تعليقات:
إرسال تعليق