واسطة
أنا عاوز أتعلم
شوفلك واسطة
نفسي أتكلم
عليك بالواسطة
لإمتى أتألم
متشوفلك واسطة
أشوفه وأسلم
لازم م الواسطة
مش عاوز أبلم
قولنالك واسطة
نفسي في وظيفة
عندك واسطة ?
بألفين تعريفة
يلزملك واسطة
وصابونة وليفة
صدعتنا يا أسطى
طاب عاوز أتجوز
دورلك واسطة
مش عاوز أبوز
بردو هات واسطة
نفسي أوضة فاضية
فين هي الواسطة
نفسي بيها راضية
قولنالك واسطة
عاوز كيلو لحمة
عليك بالواسطة
لو عضم وشحمة
فين هي الواسطة
تعبان من الزحمة
محتاجلك واسطة
نفسي في رغيف
حلو التكاليف
لو حتى خفيف
لازم م الواسطة
هاتوا باكو بسكوت
دور على واسطة
لو فصين توت
روح هاتلك واسطة
تاكسي صغنتوت
بردو هات واسطة
شوفولي تابوت
هاتلك كام واسطة
أسكنه وأموت
لو عندك واسطة
والله كارهينها
ملعونة سنينها
الست الواسطة
عصام الباز
ليست هناك تعليقات:
إرسال تعليق