خايف .....
أدخل في عنيكي واطوف
وأنا برتعش م الخـــــوف
من الغموض ما أشـــوف
غير سحر ملك وجــــداني
وفرحة كبيرة ملكاني
ووخداني على عالم مجهول
مسحور ومش معلوم ومش
مضمون ألقى فيه دنيا جديدة
تعوضني عن اللي فات
وتحي في قلبي أمل مات
بقاله سنين بنبض حزين
وعيش في وادي الذكريات
خايف ......
أني أسيب نفسي ليكي
ولقيكي بعد ما تمدي أيديكي
وعوم بسعادتي في عنيكي
تقولي ما نتش شريكي
وضيع تاني مع الأحزان
وأرجع زي ما كنت زمان
بلوم نفسي وأدفن روحي
في يأسي وأندم على اللي كان
وقول ما عدش فيه اخلاص
وع الدنيا العوض وخلاص
واقول لروحي كفايه خلاص
ما عدش فيه حب واحساس
ما عدش فيه حب واحساس
الأديب / فتحي مصطفى
1 / 11 / 2017
ليست هناك تعليقات:
إرسال تعليق