دارميات الجابري
___________
حمــل قطــار الشـــوكَـ من كَلبـي آلام
وصوب النحبهم سار من مدة
أيام
****
أسمك صبح يهواي وطعمك طعم هيل
غرنوك وسط الهـور ويغنـي
يا ليل
****
مو بيدي هذا الصار جمعتنـه الأقـــدار
اهلك الما يرضــون والكَلب
محتار
****
الكلب لو بيه باب ظـل يمـــه خطــــار
شوف الدواخل بيه واشبيه أمن
أسرار
****
أمحل وكتنه وفات وما ظلت وعــــود
الناس تمشي الغاد وانه امشي
أردود
****
تدريني آنه اهواك ولشخصك أحتــــام
ليش اللعب وياي حتـــــــى
بالأحلام
****
مصيوبه وك يفلان جبداتي جيـــــلات
ومن يوم شخصك لاح حط بيه
فالات
****
يفلان غم الــروح لتريـــــد تنســـــاك
ما تدري خاين ذات والكَلته
جذبات
_________________________
الشاعر/ فالح حسن الجابري
_________________
21/11/2017م
ليست هناك تعليقات:
إرسال تعليق