اتآخرتى
اتآخرتى عليا حبيبتى كتير
لما عقلى شت م التفكير
عشت سنينى ويل وعذاب
غريب عايش وسط الاغراب
عدت احلى سنين العمر
شارب انا من كاس المر
شايل قلب بيدق وبس
ولا مين شاف ولا مين حس
عايش عمر لوحدى وبس
لما ابيض الشعر وشاب
ونور العمر اهو غاب
جايه دلوقتى تفرحى قلبى
وتقولى انك لى خلاص بتحبى
طبيعى عليكى حبيبتى هخبى
عيشى لوحدك عيشة سنك
اصلى خلاص انا هبعد عنك
قلبى خلاص مش حمل عزاب
احلى سنين العمر عدى وغاب
اصلى خلاص ابيض الشعر وشاب
مش راح اقولك انى بحبك
ولا هيجى اليوم واتعب قلبك
عيشى حياتك انتى الفرحه
واتزوقى والبسى اجمل طرحه
عيشى احلى سنين العمر
مش مع واحد عمره خلاص بيمر
لسة قلبك يا حبيبتى شباب
اما انا قلبى تعبه الحب
لما ابيض الشعر وشاب
شوفى الفرحه بتيجى منين
عيشى فيها احلى سنين
قبل الشيب عليكى ما يمر
تشربى زيى كاس المر
ابعدى عنى خلينى انساكى
لا احسن قلبى يدوب ف هواكى
وانصب ليكى يا حلوه شباكى
اصلى انا قلبى لسه ما شاب
لكن بس ابيض الشعر وشاب
احسن ممكن غصب عنى
احلم انى هعيش متهنى
واكتب لك باديا جواب
اقولك فيه اننا بقينا احباب
وانسى ان الحب عذاب
وتحبينى وتنسى كل الاحباب
غصب عنى قلبى هيدق
ولا خلاص معندوش حق
اصلى خلاص يا حبيبتى
عدت احلى سنين العمر
لما ابيض الشعر وشاب
الشاعر / عزالدين جبريل
ليست هناك تعليقات:
إرسال تعليق