---- خواطر الأشعار لمحمد نصار----
نقطة نظام يا قلبى
وماتخافش من الظروف
دا العمر أكيد بيجرى
ولسه ياما تشوف
إنسى اللى فات من عمرى
وبلاش تكون ملهوف
بالقلم والمسطره
خلى السطور صفوف
وخلى الكلام يتقرا
من غير عذاب أو خوف
وبلاش ترجع ورا
يا تاخد بالكفوف
رتب يا قلبى أوضاعك
وعيد حسباتك أكيد
وإنسى كمان أوجاعك
وبلاش تعيد وتذيد
وما تحكيش عن اللى باعك
والطعن فى الوريد
وخلى العمر بتاعك
وكل ايامك عيد
بلاش للهوى تتجر
لاترجع حزين شريد
وإنسى يا قلبى اللى مر
وإبدأ عهد جديد
وإرسى يوم على بر
وياريت يكون أكيد
نقطة نظام يا قلبى
وما تخافش من الظروف
دا العمر أكيد بيجرى
ولسه ياما نشوف
ليست هناك تعليقات:
إرسال تعليق