بتغيري ليه ؟
مابقتش واد جامد اوي
وكبرت علي كل البنات
وبجد حبيبتك اوي
إنسي بقي كل اللي فات
انا لما حبيتك بجد
كل البنات اتبخرت
كل البنات طلعو السما
وبعدها السما مطّرت
فَنزلتي علي قلبي اللي مات
وبقيتي ليه اصل الحياه
انا حاسس اني بقيت نبات
ونسيت خلاص كل اللي فات
ونسيت معاه كل البنات
دنا حتي مش فاكر اسامي
عارفه نجوي؟ مش فاكرها
فاكره سلمي ؟ مش فاكرها
حتي ليلي لما قالت
اني باجي عشان خاطرها
هي بردو مش فاكرها
ولا أُلفت ؟ فاكره ألفت
اللي كنت بحبها
وهي دايبه ف حب سامي
شوفتي--مش فاكر اسامي
اهدي بقي وبلاش نكد
هفضل حبيبك للابد
هفضل احبك حب طالب
واد رخم مليان مطالب
نفسي نرجع للدراسه
وتقفي تاني وسط البنات
وتقوليلي بطرف عينك
امشي وابعد من سكات
بحبك
الشاعرناصر رمضان
ليست هناك تعليقات:
إرسال تعليق