فصاحة شلبية
كانت ست فصيحة
وكانت جارتنا
وكانت محبوبة في حارتنا
وهي كمان اللي ربتنا
وفي ليلة جت تبكي
واتلموا حواليها ستات حتتنا
مالك ياخالة شلبية
مدت شلبية ايديها
ومسحت دموع عينيها
وقالت شلبية والعيون ليها
مش عارفة ليه مجتمع الرجالة
جاي ياخواتي جامد كده علينا
قالوااحكي ياخالة وسمعينا
قالت ليلة جوازنا المتعة ليهم
وياختي علينا الالم كان لينا
ولما نحمل الفرح ليهم
والتعب والألم والقئ مسوينا
ولو اجهضنا العزاء ليهم واللوم لينا
ولو تاخر الحمل يجيبوا ويحطوا علينا
وهات ياعمليات وتقطيع فينا
ونظرة الاتهام شايفنها يعنينا
ولو انجبنا كان السعد ليهم
والألم والرضاعة والسهر مقسوم لينا
ولو انجبنا ولدا العزة والشموخ ليهم
ولو انجبنا بنتا الحسرة منهم تدمينا
ولو عشقوا علينا التقصير من عندينا
ولو عشقنا احنا الخيانة تلزق باسامينا
وقالت هي دي قسوة المجتمع علينا
مش عارفة عاوزين ايه منينا
ولا هيعملوا ايه تاني فينا
بقلم / فهيم عبد المقصود
ليست هناك تعليقات:
إرسال تعليق