فى حبك يا بلادى( تحدى )
........
باتحدى معاك اليأس
شربت الميه من نيلك
حامل قلمي ومليون فأس
وحاتغنى بمواويلك
وحعمل م الأمل محراب
واصوم واصلي وادعيلك
بان ربنا البارئ يقدرني علي جميلك
..........
وباتحدى ظلام الليل
واكون فارس بيمتط خيل
واكون قنديل ليكي ينور
واقف جنبك ونتصور
واقول لولادنا شدو الحيل
يا حلم لعمرنا الباقي
بيحلمه جيل ورا جيل
........
وباتحدى معاكى الظلم
دا حبك جوه احشائى
وحنحقق معاكي الحلم
خلاص قربك ماعاد. نائي
حنكبر بالادب والعلم
معدش في عمرنا باقي
........
وباتحدى معاكى الخوف
وأكون فارس واحميكى
وادافع عن حدود بلدى
وجوه العين بخبيكي
.......
وباتحدى معاكي آلام
ولا حابعد ولا اهجر
وحاخدك خطوتين قدام
وحاكتب فيكي احلا كلام
يبوح قلمي وفيكي اسطر
ولو جيتي عللي فى يوم
لحسناتك وفيكي اشكر
ماجدة رضوان
ليست هناك تعليقات:
إرسال تعليق