لقيتكم اصحاب
واليوم وليتو ليا احباب
ما كانت لي ف البال...
****
سكنتوا ليا ف القلب
وللكتابة ليكم تزاد الحب
وهولها تزاد عل لهوال...
****
ما فرقت فيكم بين كبير وصغير
وياريت يكون كلشي عنده ظمير
ونحسبوا من العقال...
****
الحرف راه فيا ساكن
وحتى لمخي ولى راهن
وفظلتو عل الاعمال...
****
غير فكرة تدخل للراس
تفيقني من غرق النعاس
نجلس ونفصلها تفصال...
****
نكتب وشوية نمسح
بالمزيد ديما نطمح
ومرة نقول آش هاذ لهبال...
****
اليوم منكم باغي تصحيح
واش زجلي في مهب الريح
أو غير هدرة وأقوال...
****
باغي منكم الآراء
واش ما فيه انا كله غباء
ونخلي حرفي ف ذاتي مذلال...
****
........أحمد الناصري......
ليست هناك تعليقات:
إرسال تعليق