---خواطر الأشعار لمحمد نصار---
يا خساره عليكى يا دنيا
فيكى الآهات خوانه
تغدر تبيع فى ثانيه
وترضى نفوس تعبانه
وروحنا فى سكه تانيه
وأتارى الجراح عشقانه
يا دنيا أسى وحرمان
الغدر فيكى صفوف
من أقرب الخلان
ولسه ياما نشوف
والطعنه فى الشريان
تكفى فينا ألوف
وتوهنا عن العنوان
ولسه الجراح جوانا
يا خساره على اليالى
والأيام إللى فاتت
ما كنتش واخد بالى
إن هى فى ثانيه ماتت
إزاى ماكنتش دارى
وأنا كنت ساعتها ساكت
أبكى على الليالى
ولاعلى لذكرى هوانا
ليست هناك تعليقات:
إرسال تعليق