(الوصايا العشر )
الأولى حرية
للحق والمظلوم
والتانية وطنية
والصوت ماهوش مكتوم
والتالتة فى الكوتة
والغلب والمهموم
والرابعة فى الموتة
اوعاك تموت مسموم
والخامسة فى كلامهم
اوعاك تركز يوم
والسادسة ترحمهم
علشان تكون مرحوم
والسابعة فى الدنيا
اوعاك عليها تلوم
والتامنة ناس فانية
مش واخدة حتى هدوم
والتاسعة فى ضميرك
واحد ومش مقسوم
والعاشرة صون غيرك
مين م الغلط معصوم
دى وصايا واحفظها
دايما عليها تقوم
اقراها نفذها
قبل أما يجى اليوم
والدنيا وما فيها
يبقى النفس مكتوم
ونفوت أراضيها
ونروح لرب الكون
ليست هناك تعليقات:
إرسال تعليق