(أول مرة أنام )
وفات ليلنا
ما بين حبة بعاد وسهاد
وبال مشغول وكام حيرة
وضحك سناننا تكشيرة
قالولنا الشرب بينسى
وربى محرم البيرة
قالولنا الهجر بيقسى
رجعنا بقلة الحيلة
فقررنا خلاص هننام
وأول ثانية بتعدى
أنا صاحى لكن أحلام
وشوفت الوقت بيهدى
وفى السيما قاعد قدام
وباتفرج على عمرى
سنين مغلوووب على أمرى
يحطوا الشوك على جمرى
فيطرح م البعاد أنهار
ويتحول عسل لمرار
ده يا أخواننا أنا مسلم
وعاوزينى ليه م الكفار ؟
يا ناس عايشة الحياة استهتار
لا أنا منكم ولكنى
بأكون مجبر عشان أختار
ما بين إنى أعيش وحدى
وأبنى م السنين أسوار
أو أبقالكم كما ديلكم
تجرونى وأقع وأنها ر
فققرت إنى قبل ما أنام
هرتل آية الكرسى
عشان تحمينى م الأحلام
وهتغطى وأنام بدرى
وأقوم لاجل أما أسوف فرضى
وأصلى الفجر وأدعيلى
تتوه التوهة من ليلى
وأنام مرة وأعيش فى سلام
وأول مرة عينى تنام
#محمود_المزين
ليست هناك تعليقات:
إرسال تعليق