#نادية...#الشاعر_صبرى_أبوطالب.... إهداء إلى أغلى وأعز الناس لروح أختى #نادية_أحمد_أبوطالب..فى الذكرى السنوية الأولى لها..الرجاء منكم الدعاء لها...ربنا يرحمها ويغفر لها ويسكنها فسيح جناته....
------------------------------------------------------------
#نادية
وردة كانت بينّا ناديه ....... فى جنينة فرح بيتنا
هى أكبر قلب فينا ....... هى روحنا ونور عنينا
........ نوارتنا و كبيرتنا
هى امى بعد امى .......... هى من لحمى ودمى
فيها ياما من ملامحى ........ خدت منها وواخده منى
شكلها منقوش فى رسمى .......... اسمها مربوط باسمى
اسم ابويا فى بطاقتها ............. هو نفسه اللى فى بطاقتى
كنت واحد وسط سته ......... جنه كانت بتحاوطنا
ويابعض فى السعادة ............ عشنا احلا سنين حياتنا
ايام تفوت زى العسل ..............وايام تدوب فى الصبر دوب
لكننا مع بعضنا ......... واحد مكناش وحدنا
علشان ايمانا بربنا ............. دايما بنرضى بالمكتوب
فجأه غابت عن عنينا ............ الكبيرة خلاص سابتنا
اتوجع قلب الجنينه الدموع شقت خدودنا
صب ناره الحزن فينا ....#لما_ناديه_ودعتنا
واللى كانو سته فجاه .....انهارده صبحو خمسه
ربنا يصبر قلوبنا ........ويحاوطها بجنه احلا
م اللى كانت بتحاوطنا
#الشاعر_صبرى_أبوطالب
ليست هناك تعليقات:
إرسال تعليق