كل يوم
كده ناس تموت وكأننا شوية فراخ
والله مرك يا مصر زاد
ومليتى شعبك بالجراح
كل يوم فيك حوادث
وتصفيه من غير حساب
قهر وظلم وعيشه مره
وحزن طارق كل باب
ودموع عيون
وحلم مدفون في التراب
ولا حاجه حلوه
طب حتى مره
حسيسينا بالمحنه والمحبة
تعبنا من كتر العذاب
ليه يا مصر
الحزن فيك بيتولد فى كل لحظه وكل يوم
بالآلاف
والفرح ممنوع يقترب ممنوع يدوم
وبتحدفينا من هم لهموم
وكل يوم بيموت شبابنا
وحزننا إنسان كتوم
مالك يا مصر
بقيتى قاسيه علينا ليه
وإحنا إلى نفتديك بالحياة
إحنا ولادك إحنا الحمى
إحنا السيوف لو يوم غزوك
وإحنا الرماح لو يوم خنوك
وإحنا عضدك وقت ضعفك
إحنا السلاح والدرع ليك
مالك يا مصر..
#حمدى_نورالدين
حمدى نورالدين
ليست هناك تعليقات:
إرسال تعليق